• 27 Yanvar 2020
  • Dollar: 1.7 , Avro: 1.9245 , Rus rublu: 0.0259 Türk lirəsi: 0.3231

Türkiyənin Azərbaycandakı səfirliyinin mətbuat katibi: Ermənistan Ankaranın üç əsas tələbini yerinə yetirməlidir

14:45 04/12/19 | Siyasət

Ermənistan münasibətlərin qurulması üçün Ankaranın üç əsas tələbini yerinə yetirməlidir. Bunu Türkiyənin Azərbaycandakı səfirliyinin mətbuat katibi Hüseyn Altınalan deyib.

O bildirib ki, bunun üçün Ermənistan ilk növbədə işğal olunmuş Dağlıq Qarabağı və ətraf rayonları azad etməli, ikincisi, Türkiyə torpaqlarına iddia etməməli, eləcə də 1915-ci il hadisələri ilə bağlı iddialardan əl çəkməlidir.

H.Altınalanın sözlərinə görə, 1991-ci ildə Ermənistan müstəqillik əldə edəndə Türkiyə bu ölkə ilə diplomatik münasibətlərə başlamaq istəyirdi, amma bunun üçün Ermənistanla mövcud problemlərin həlli nəzərdə tutulmuşdu.

O vurğulayıb ki, Dağlıq Qarabağ, eləcə də digər Azərbaycan rayonları erməni işğalı altında olduğu müddətdə Ermənistanla münasibətlərin qurulması mümkün deyil.

Mətbuat katibi əlavə edib ki, Türkiyə özünün dövlət sərhədlərini də tanımayan ölkə ilə münasibətləri qura bilməz:

“Məlumdur ki, Ermənistan Türkiyə torpaqlarına iddia edir. Amma o da məlumdur ki, Türkiyə ilə Ermənistan arasında müasir sərhədlər 1921-ci ildə Moskva və Qars müqavilələri ilə müəyyən edilib, ona görə də Ermənistanın Türkiyəyə qarşı ərazi iddiaları əsassız və absurddur”.

1915-ci il hadisələri ilə əlaqədar olaraq H.Altınalan qeyd edib ki, Ermənistan arxivlərin açılmasına mane olur və Ankaranın hadisələrin araşdırılması üçün tarixçilərdən ibarət komissiyanın çağırışlarına qarşı çıxır:

“Ermənilərin 1915-ci il hadisələri ilə bağı iddialarının sənədli təsdiqi və ya hüquqi əsası yoxdur və bu iddialar qəbuledilməzdir”.


Facebook

Instagram

Youtube

SORĞU


“KOROĞLU” dastanını bəyənirsinizmi?