• 2018.11.21

M.İ.Yevdayevə Azərbaycan Respublikası Prezidentinin fərdi təqaüdü verilib

Baxış sayı: 80
09:30 11/08/18 | Diaspora

Milix Yevdayev: Azərbaycan Prezidenti dini icmalara yüksək diqqət və qayğı göstərdiyini bir daha sübut etdi

Bu fikri AZADAZ saytına prezidentin fəxri təqaüdünə layiq görülməsi məsələsinə münasibət  bildirərkən Dağ Yahudiləri Dini İcmasının başçısı  Milix Yevdayev deyib. O bildirib ki, bir müddət bundan öncə prezident İlham Əliyevin Azərbaycanda dini qurumlara maliyyə yardımı göstərilməsi haqqında sərəncamı, indi isə mənim prezidentin fəxri təqaüdünə layiq görülməyim haqqında sərəncamı dövlət başçısının ölkəmizdəki dini icmalara yüksək diqqət və qayğısının  göstəricisidir. Bu gün Azərbaycan bütün dünyaya sübut edir ki, dini və mədəni müxtəlifliyin harmoniyasını əhatə edən bir cəmiyyət yaratmaq mümkündür. Bu məfkurə yaşamağa məhkumdur, bunun da bariz nümunəsi Azərbaycan Respublikasıdır.

 Azərbaycandakı Dağ Yəhudiləri Dini İcmasının rəhbəri Milix Yevdayev  daha sonra deyib: " Azərbaycanda yaşayan bütün xalqlar eyni hüquqa malikdirlər. Dinindən, dilindən asılı olmayaraq onların hər biri Azərbaycan Respublikasının tamhüquqlu vətəndaşıdır. Digər xalqlar kimi, yəhudilər də əsrlərdir Azərbaycan xalqı ilə birgə mehribanlıq şəraitində yaşayırlar. Azərbaycanda bütün xalqların və dinlərin nümayəndələri üçün hər cür şərait yaradılıb. Biz Azərbaycan Konstitusiyası ilə təsbit olunmuş bütün hüquqlarımızdan tam şəkildə istifadə edə bilirik. Azərbaycan Prezidenti İlham Əliyev bütün əməlləri ilə hər bir vətəndaşın Prezidenti olduğunu dəfələrlə sübut edib. Biz hər zaman bunun şahidi oluruq. Biz bu gün Azərbaycanda dinc şəraitdə yaşayırıq. Bu sülh şəraitini təmin edən isə dövlətimizin başçısıdır".

Milix Yevdayev vurğulayıb ki, Azərbaycan Prezidentinin apardığı tolerant siyasət bir nümunədir. Prezidentin dini icmalar üçün ayırdığı maliyyə yardımı onların problemsiz fəaliyyəti baxımından böyük önəm kəsb edir. Dünyanın heç bir ölkəsində bu təcrübə mövcud deyil. Biz Azərbaycan Prezidentinə minnətdarıq.

Bu fikirləri Azərbaycandakı Dağ Yəhudiləri Dini İcmasının rəhbəri Milix Yevdayev AZADAZ-a Azərbaycan prezidentinin fəxri təqaüdünü alması münasibətilə öz   açıqlamasında bildirib.

Biz "Azad Azərbaycan" qazeti və eyni adlı saytın yaradıcı kollektivi adından görkəmli ictimai və din xadimi, tanınmış ziyalı, Azərbaycanı sevən və bütün dünyada təbliğ edən, Azərbaycan xalqının haqq səsini xarici ölkələrə çatdıran əziz dostumuzu ürəkdən təbrik edir, ona can sağlığı, uzun ömür, və xöşbəxtlik arzulayırıq.

İLKİN ƏLİYEV